UCL:Bayern Münich yegukanye igikombe ku nshuro ya Gatandatu itsinze PSG (AMAFOTO)

Tariki ya 23 Kanama 2020 yabaye amateka meza ku ikipe ya Bayern Munich yo mu gihugu cy’Ubudage yegukanye igikombe ku nshuro ya gatandatu cya UEFA Champions League mu myaka 120 ibayeho mugihe ikipe ya PSG itaragitwara inshuro n’imwe yakoze iyo bwabaga ikananirwa kwikura imbere ya Bayern Munich kuko yatsinzwee igitego 1-0.

Umukino waberewe mu gihugu cya Portugal mu Mujyi wa Lisbon kuri sitade yitwa Estádio da Luz nta mufana n’umwe urimo kubera icyorezo cya Coronavirus cyugarijwe n’Isi muri rusange.

Ikipe ya Paris Saint Germain yagiye mu kibuga ibizi neza ko igiye guhura n’ikipe ikomeye yo mu budage ya bayern Munich kuko inshuro yagiye igera ku mukino wa nyuma w’irushanwa rya Uefa Champions League yatsinzwe gake, Bikaba yari inshuro ya 10 murizo yatsinzwemo gusa kane.

Kuruhande rwa ikipe ya Paris Saint-Germain nibwo bwa Mbere yarigeze ku mukino wa nyuma muri Uefa Champions League mu myaka yose yabayeho kuva yashingwa tariki ya 12 Kanama 1970.

Igice cya Mbere cyatangiye amakipe yombi asahaka intsinzi, Paris Saint-Germain yatangiye isatira kuko yabonye uburyo butatu bwashoboraga kuvamo igitego; imipira ibiri yatewe na Kylian Mbappé ihagarikwa na ba myugariro ba Bayern Munich mu gihe Neymar yashobora gufungura amazamu ku munota wa 17, umupira yateye ntiwarenga umunyezamu Manuel Neuer.

Robert Lewandowski yagerageje ishoti rikubita igiti cy’izamu mu gihe Angel Di Maria na we yahushije uburyo bwiza ku ruhande rwa Paris Saint-Germain ku mupira yateye arebana n’izamu ukazamuka hejuru.

Bayern Munich yari yihariye umukino, yakomeje gusatira izamu ariko ntiyahirwa, aho Lewandowski yahushije uburyo bwiza ku mupira wakuwemo n’umunyezamu Keylor Navas mbere y’uko Kingsley Coman agwa mu rubuga rw’amahina ubwo yari ahanganye na Thilo Kehrer, ariko umusifuzi avuga ko nta cyabaye.

Mu gice cya kabiri, Bayern Munich yihariye umukino, abakinnyi bayo bo hagati barusha aba Paris Saint-Germain yasubiye inyuma cyane.

Igitego kimwe rukumbi cyabonetse muri uyu mukino, cyatsinzwe n’Umufaransa Kingsley Coman ku munota wa 59, ku mupira wahinduwe na Joshua Kimmich.

Paris Saint-Germain yasatiriye mu minota ya nyuma ishaka uko yishyura, ariko Kylian Mbappé, Neymar na Eric Maxim Choupo-Moting bananirwa kubyaza amahirwe uburyo babonye.

Gutsinda uyu mukino byahesheje Bayern Munich kwegukana igikombe cya UEFA Champions League ku nshuro ya gatandatu, aho icyo yaherukaga yagitwaye mu 2013.

Mu minota 15 Neymar Jr yahushije uburyo bwiza bwari buvemo igitego Manuel Neuer awukuramo

Ikipe ya Bayern Munich yatangiye umukino ikubita umutambiko w’izamu                                  
Robert Lewandowski yakoze akazi gakomeye ku izamu rya PSG gusa amahirwe aba make          
Umupira mwiza watewe na Kimich hanyuma Kingsley Coman atsinda igitego 1 cyabonetse rukumbi mu mukino                
Umufaransa Kingsley Coman niwe watsindiye igitego cya Bayern Munich                                          

 

Umudage Thomas Muller yishimira igikombe cya UEFA Champions League
Alphonso Davies Umunya-Canada muto ku myaka ye 19 akaba yegukanye UEFA Champions League ye ya mbere 

Umutoza Flick wakoze amateka atazibagirana yishimirwa n’abakinnyi ba Bayern Munich  

Kingsley Coman wishimiye guhesha ikipe ye igikombe cya UEFA Champions League 2019-2020
Bayern Munich yegukanye igikombe cya UEFA Champions League ku nshuro ya gatandatu

Leave a Reply

Your email address will not be published. Required fields are marked *