Hakize abantu 53 mu Rwanda, Haboneka abarwayi bashya 47 banduye COVID-19

Uyu munsi mu Rwanda habonetse abarwayi bashya 47 basanzwemo icyorezo cya Coronavirus nkuko byatangajwe na Minisiteri y’Ubuzima tariki ya 27 Kanama 2020 Mu gihe abakize neza ari 53.

Mu bipimo bishya byafashwe 4 597 byagaragaje ko 47 ari banduye ndetse Minisante ikavuga ko bavuye mu Mujyi wa Kigali ndetse no mu turere tubiri tugize u Rwanda.

Umujyi wa Kigali ukomeje kugaragaramo umubare uri hejuru w’abantu banduye icyorezo cya Coronavirus, Mu mibare mishya yatangajwe na Minisante 38 bose muri 47 ni abavuye mu bandujwe nabo mu masoko ya Kigali abandi basigaye bakaba bavuye mu turere twa Rusizi na Musanze.

Itangazo riragira riti’’ Kigali:38 (abahuye n’abanduye mu masoko ya Kigali), Rusizi:8, Musanze:1.

Minisante yagaragaje ijanisha ku bantu bapfa kuri iki cyorezo cya COVID-19 mu Rwanda ndetse n’ijanisha ku bantu bandura icyorezo igendeye ku mibare igenda igaragara.

Aho ijanisha ku bantu bandura igeze kuri 1% ndetse ijanisha ku bantu bapfa ikaba iri kuri 0.4%.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Kuva COVID-19 igaragaye mu Rwanda, hamaze kuboneka abantu 3672 bayanduye mu bipimo 388 078 bimaze gufatwa. Muribo 1 863 barasezerewe nyuma yo gupimwa bagasangwa nta bwandu bwayo bukiri mu maraso yabo mu gihe 1 794 bakirwaye. Abantu 15 nibo bamaze guhitanwa n’iki cyorezo.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Hakize abantu banduye COVID-19 mu Rwanda 53 haboneka abarwayi bashya 47

Leave a Reply

Your email address will not be published. Required fields are marked *