Abantu 88 nibo basanzwemo COVID-19 mu gihe hakize abandi bane bahise basezererwa kwa muganga

Uyu munsi Minisante yatangaje ko abantu 88 aribo babonetse banduye Coronavirus mu Rwanda, Mu gihe hakize abantu bane mu masaha 24 ashize bagazezererwa kwa muganga.

Mu itangazo ryashyizwe ahagaragara na Minisiteri y’Ubuzima yagaragaje ubwandu bushya bwaturutse mu masoko ya Kigali ndetse no mu tundi turere tugize igihugu.

Aho rigira riti’’ Kigali:79 (bapimwe mu masoko ya Kigali), Rusizi:3  Rubavu:2, Karongi:2, Nyamasheke:1, Kamonyi:1

Umujyi wa Kigali ukomeje kwibasirwa n’abantu banduye Coronavirus ahamaze kugaragara  umubare munini wibasiye abacuruzi bo mu masoko.

Kuva COVID-19 igaragaye mu Rwanda, hamaze kuboneka abantu 3625 bayanduye mu bipimo 383 481 bimaze gufatwa. Muri bo 1810 barasezerewe nyuma yo gupimwa bagasangwa nta bwandu bwayo bukiri mu maraso yabo mu gihe 1800 bakirwaye. Abantu 15 nibo bamaze guhitanwa n’iki cyorezo.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Abantu 88 nibo basanzwemo COVID-19 mu gihe hakize abandi bane bahise basezererwa kwa muganga

Leave a Reply

Your email address will not be published. Required fields are marked *