Umuntu wa 15 yahitanywe na COVID-19 mu Rwanda abanduye bagera kuri 231 umunsi umwe

Uyu munsi hongeye kwitaba Imana umuntu umwe azize COVID-19 mu itangazo rishya rya Minisante yashyizwe hanze tariki ya 25 Kanama 2020 aho yahise aba umuntu wa 15 uhitanywe n’icyorezo cya Coronavirus mu Rwanda.

Minisiteri y’Ubuzima mu itangazo yashyize hanze yatangaje ko yihananishije umuryango w’umunyarwanda w’imyaka 61 witabye Imana.

Mu bipimo bishya 6 128 byafashwe uyu munsi byongeye kwerekana ko umubare munini wingaje cyane mu masoko ya Kigali, Aho mu barwayi bashya babonetse banduye 231 muribo 196 ari abasanzwe mu masoko y’umujyi wa Kigali.

Itangazo riragira riti‘‘ Kigali:169 (Bapimwe mu masoko ya kigali), Rusizi:30 (Bapimwe mu bibasiwe kurusha abandi), Rubavu:3, Huye:1, Gatsibo:1.’’

Mu gihe abakize neza uyu munsi icyorezo cya Coronavirus mu itangazo rya Minisante ryatangaje 21 ko aribo batashye mu miryango yabo.

Mu Rwanda ipfu z’abarwayi zikomeje kwiyongera aho mu minsi itatu yikurikiranya ahamaze kuboneka abapfa bazize icyorezo 4 ibintu bitari bisanzwe.

Tariki 14 Werurwe 2020 nibwo Minisiteri y’Ubuzima yemeje ko Umuhinde wageze mu gihugu ku wa 8 Werurwe 2020 avuye i Mumbai, yasanganywe icyorezo cya COVID-19 giterwa n’agakoko gashya ka Coronavirus.

Kuva COVID-19 igaragaye mu Rwanda, hamaze kuboneka abantu 3 537 bayanduye mu bipimo 378 014 bimaze gufatwa. Muri bo 1 806 barasezerewe nyuma yo gupimwa bagasangwa nta bwandu bwayo bukiri mu maraso yabo mu gihe 1 716 bakirwaye. Abantu 15 nibo bamaze guhitanwa n’iki cyorezo.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Umuntu wa 15 yahitanywe na COVID-19 mu Rwanda abanduye bagera kuri 231 umunsi umwe

Leave a Reply

Your email address will not be published. Required fields are marked *